Wednesday, November 14, 2007

tangthu

CHINGNU LAUKHA!
By Elty


Delhi a India President tenna inn kongkhak apan metre 200 vel a gamla,Raisina Mual vum laitak ding a om, ka office ka tun chiang in, zingsang dang bang lou takin, thoupi khat in hong vel vut vut hi. Betlup zok kasawm hang in, amah ut lou hia, kei siamlou ka hiam,sawtpi ka lulam,ka khelam hong vel nilouh hi.Chimoh sim in ka tusuk a, ka chair a kingai in,ka room tung sangtak mai te ka entou hi.Koi a hong kipan hida hia, kong teng leh tukvelh teng lah kikhak vek a ka chi lungsim hi. A tawpin, AC apan hi ding hive e chin,a thou pen hong kilatnawn ka ngak hi.
Thakhat in, ka neuchik lai a ka nu’n ahonhilh, ‘thoupi in a hong velh chiang in, nang hon ngaina a sisa te in hon ngaihtuah uh ahi chihna in kingai hi’ achih ka thei khe guih a,ka tutna ah ka tutang tou hi.Ka gei a Calender ka en a,November nikhat(November 1,2007) ahi a,ka lungsim in,KUT ni ahi chih ka thei pah a,ahizong KUT ni a ba thoupi in hong delh laizang ding,chin hiai ni a thil tung kei hinkhua a poimoh bang om ding hiam chin ka ngaihtuah zom tou zel hi.
Mitsi a dai dide a ka ngaihtuah lai in,College ka kaitung kum 35 paita a ka tangthu gelh ‘Chingnu Sihna Kua Mohpuak Hiam? chih hong kilang a, Kohima Khopi a ka omlai nite hong kilang zung zung hi. Huai tangthu ka gelh lai a ka lungsim ngaihtuahna te leh ka tenna inn te, ka dohkan leh ka tutna te ka ngaihtuah lai in, Ngaidih, Kek-kia bang mai in ka lungsim a hong kisat zawtzawt a,meipi kal ah ‘aw’ neem takin, ‘Jupiter, tuni mangngilh ta maw?’ Numei khat in hong chi hin kaza hi.Ke guih in, ka dohkan ah ka khut ka koih suk a, ka taltang ka khut nunglam a koih in,ka kunsuk a,imvuallouh in a ngaih a ngaih in ka lungsim ah ‘CHINGNU !CHINGNU! hong kichi khe zot zot hi.Ka mit te pan khasiatna mit tui a hong lung khe zoih zoih ua, ken leng kham sawm lou in, a luan luan in ka luang khe sak ziah ziah a,ka khut zung te kal a lum hithit in a luang suk a, ka dohkan a su kot hial uhi.
Huai tangthu a ka Chingnu sihni tuni mah ana hive le chih ka phawk khia a,ka lungsim in ‘Ching aw, hun sawt hon la na chia le..? chi in a nuai a a thugen te lungsim leh chitaktak in, dai dide in ka ngai khia hi:
“Jupiter aw, 1983 a Darjeeling apan ka laithon ah thu tamtak gen mah leng,nang apan ka selguk thil khat om a,tua in ka hanmun na ngon ah ka omnuam lou sak gige ahihman in,sihna nuam ka neih a, ka kha a tawldam taktak na ding in,huai thuguk gen dia hong zing hoh ka hi hi.Hon ngaisiam inla, ka thugen hon ngaihkhiak sak in. November 1,1983 a ka kikhailup ma kal khat vel in huai lam a mikhat toh nau numei khat ka nei a,tuapen ka awklup ma in,nang bang a Pathian atheikha mikhat kiang ah kava nusia a,ahihhang in, ka awklup khit nungtan in,tua ka tanu ka mangngilh thei kei a,ka han mun apan a sun azan in ka gal et et hi.A enkawl pa’n kei a hon ngaihnat tei mahmah ziakin,ka tanu min din CHINGNU mah asa a,hoihtakin a enkawl a, Pathian lau leh omdan hoihtak nei in,amah ta ngeingei bangin a enkawl a,school hoih pen te ah a kaisak a,zilna hoihpen te apia a,adiakin, music bang a siam sak a,a hong khanlet deuh deuh chiangin,a veng ua lasak siam a theih bang hong hi hialta hi.A mel leh puam hong piching a, ka gintak sang mah in leng etsuak leh nun hoih in a hong khang lian a, I ngeina bang in tangval bang leng hunkhop a deih a om uhi.Ken bel ka lungsimin, a lasak mah lim bawl henla, nekmuh theihna khop din tha honsuah leh chih ka na deihsak a,lah a kiang ah a takin kava gen thei si kei a,ka omdan haksa kasa mahmah hi.Anu kei ka hih lam leh ka thulimlouhna thuakzoulou a awklum ka hi chih bang a theih ding ka lau mahmah ziakin, ka tanu kiang nai ah leng ka om ngam kei hi.A enkawlpa’n hoihtaka etkawl nak leh kei mithulimlou in hihding leh gen ding ka nei kei mah ahi chih ka kithukhitna ahi.Ahihziakin, ka hihtheih tawktawk in,lamkal apaina te, amah kia a omkhak hunte in ka kha in kava umkual zel a, ataksa tung a haksatna athuakzohlouh ding a tun louh teitei ka sawm ahi.Tuni tannin, huchibang haksaluat na zen zaw a tung ngei kei.Ahihhangin, a lungsim ngaihtuahna a ngeek a,mi ngaihnatna a lian a, midang te itna leh khotuahna te a ngaisang gige a,huaiziakin, la dangdang sang in leng ki itna la(love songs) te asa nuam zaw hi. Leitung ah ki ittuahna loungal a thupi a om kei a, inkuan khosa thei in, hausa in laisiam mahle hang,ki ittuahna I neih kei le zaw tua te bang mah pi hilou jel uhi.Ka tanu in leng huchibang ngaihtuahna a nei a, anu hinkhua a itna diktak a omkhak ngeilouh ziak a,mahni ki thahna tan bang tung a hih ziak leng hikha mai din ka gingta hi” achi hi.
Ken leng a thugen thuakzou nawnlou in, ‘ahih leh bang achia hiai na thuguk tu kum 30 zen bei nung a na hong gen ?,bang hih leng hon chi na hia ?’ ka chi hi.Ka gen zom zel a ‘na tanu ahi chih bang chi’n ka thei dia, amah lah mungei lou ka hih chian ?’ka chi nawn hi.
Chingnu in ‘Jupiter, tuban hun sawtlou in ka tanu na mu ding a, a mel na muh chiang ngeingei in, hiai chu Chingnu Tanu ahi’ na chi ngam ding. A mah na kipahpih a,a la siamna te leh a mel hoihna te nana kipahpih louh ngal nang apan bang mah ka hon ngen kei’a hon chi hi.’Bang chin na hon ngetna te ka hon nial thei dia,na chih bang bang in thil a tung ding,Chingnu’ chi’n ka dawng hi.
Zinglam dak 11 bang hi ding hita, kintakin, RK Puram lam apan Airforce Auditorium manoh in Ring Road ah ka tai phei ua, Daula Kuan taipel in,veilam ah ka tai lut tou uhi.Hall mihing in ana dim vekta a,tutna ding mong mong leng om kei.Adiktakin,khe a sik na ding mun na ngawn leng a om kei.Huchilak pi ah,ka lungsimin, ‘ bangchin Chingnu ka mu kha thei dia?’ chin ka kidong hi.Hun bangtan hiam nung in,nungak aw hiam takin, ‘the best Female Vocalist (Country/Sentimental) award goes to..chin hong kikou a..the one and only Ms.CHINGNU’ achih chiang in,ka tutna apan rapture ding a gen bang hial un, thakhat in ka ding tou a,ka aw neih teng toh kipaklua in ka hong kikou khia a,huchi’n ka hong khanglou taktak ta hi.

source : www.zogam.com


Monday, November 12, 2007

shang tangthu


ITTNA SILPIAH
Just for Her - The Women’s Speciality Store lam juan a hingpai ka lawinu Niangboi ka khutjaap a, kei pen Sales Desk ah kamasang a dingpa a ding a Puanah buangthit thet ,hoi mama khat tun in ka buai den kei hi. Tami mun ah apaisa kum Ni(2) sung Sales Manager a na sem sa kahita hi.A zi a ding a Birthday present ding ahia , amel et mai in jong akipah hi chi theithei in a um a tuomi in kei jong ahing kipah sah mama hi. A loinu"n jong dei mama in hoisa mama ding in ka ging ta hi.
Midangte, customerte leh ka staff te suh lungkim gige khu nichin a ka na sep ahi. Nuam ka sa a tam bang sil thupi semthei a ka um ka kipah mama hi. Ban ah tamsang a kipah huai jaw sepna dang um ding in jong ka gingta sih hi. Awleh a um diei?????Ahing dawr te ahileh a tangpi in Pasal ngen ahi uhi.A ziite uh ahiei, a nungahte uh ahiai a itt te uh ahiei ahilou leh a ngaijawng te uh a ding a perfect gift a piah theina ding un panpi thei dan in ka na panpi vevaw gige uhi.Kal thum(three weeks) jou ding vel in mithaching, Sam vom ngihngiah Meihol rawng sim Pinstriped Suit sil Pasal khat ahing vah lut hi. Tampa pen ka mukha ngaisih a, ka office a ahing haw a khatveina hipan ding in ka gingta hi.Tomlou kal in pawt kia pai ding a in a kisa a, tomkhat ang khongai tadi hi. Keijong kintah in kava nai a, panpi angai eichi ka va kan chian a, tuoleh panpi thei ding kahi dan jong ka va theisah hi.A mel a hoi a , a mittang dum kihkiah te noupilai vansiang mama a asu nin ding umlou lai ma a bang kei a innlam ka ngaituo kha mawh hi. A melhoi mama leh a mit dum kihkiah ten koite nungahnu ahiei khat joujou mama ding in ka ngaisut hi. A mit haa maimai thang ah jong awh lian ding a kiphel jou sih va maw chi ka ngaituo khe mawh hi.Alu pih nanleh "ing, ahing panpi thei ding pen nang ma hipen ma vateh" a chi mawh hi."Bang en na hiei?""Theilou""Achileh ....koi a ding lah sawm na natai?""Numei khat"Tangtah in kidawng suh gawp leh siang pen va chiin ka ngauituo a ,"Amuntah ah nang paikha hi" nuikawm in ka chi a ,"Na Zii a ding maw na Nu?""Koi laa?""Na numei ngaituo,gift na piah sawm pen laa""Aw..Numei maw??"Hilou,Zi ka nei naisih hi banah ka nu birthday jong hituom sih ve awww"A geending dan haa sa samama hi ding in ka ngai tuo ka chi mai a ka theisiam mama hi."……….aaaaa…….Amanu toh bang Relation a um ei?bang relationship nein a hi uai chi theileng kei a ding in na loinu a ding gift sui dan um ding a nuam deu ding hi a"Alu a su a ,a ne(lip) pet in "Bangma relationship ka neikha sih uh hi. Chi pen ….amanu kathei ngai jong ahi sih hi," a chi mawh hi."Bang chi da e??? theisiam thei sih nang e!! Theijong na thei ngailou pi khat gift piah sawm mawh chi mawh""Thei nang, ahinkimelthei tuona tahtah a um kha naisih hi.Gift khat peleng ahi thei de aw ka chi man hi.""Kimelthei tuo na ding chi dandeu a gift neu khat piah sawm dan na ve le maw leee??Maitang ding chi dan maw??? ….aaa tuampi khat ah niteng a ki mu nahi uh amah??"Week end chiang chilou in nitengphial in kaki mu jing thou uhi.""Imm Kathei ta ve…na ki houkha ta uai??... I mean na houpi kha mawngmawng tai?? Bangchi chi di e ..amanu na star hi chi na theisah ut chi dan a ve le maw??/"Ka sawmsawm hia, ka law ching thei ngai sih a ""Khoh sih! Hoina.bang e aman tamsenglou khat la masa le chin hoi va chi ing. Choclate-nehthei chi vel bang… Nang lam a pat jong na suh lat masah na jong hi ding ahi.""Hoi sengseng in angh jauhuai kha josop kha de aw maw??"""hing jui in. Choclate Box Special mama khat hing sui piah vang"Thumang tah in ka nehthei koina lam uah ka jawpi tahi."dudeu van an chi tuam a um ei en koi ma duo lee""khat poupou hileh jong khoh sih"Khat penpen kin deu a ka lah sah kinlouleh kui sunni tumthei khong di hi .kei mang na di giap in ka lungsim ah ka chi sim hi."Hin tanah Choclate tuamtuam a bawm sung ah um ven. A jawng rong sim,bawng noi toh kibawl,leh a hum mama chocolates leh Nuts toh um ei. Na loinun hoi sa mama va .Kipah mama ding in jong gingta ing""Hoina van a chi leh himai lou di? Lungsiattah in nang tuunsah thei diei??"Hi e, thamtham.Sales desk lam ah aw"A tuna ding in a hoi penpen te ka jang a, pahpe kilawmtah ki giel/tuang a san dup te kajang hi.Ribbon Sn toh ka khi sah nalai hi.Ahing nuisat hiau a, asum ding, aman ahing pia hi. A biangkuah a khatung a bet nei ahi chi a nui in ka mu khai a kilaw ka sa mama hi. Keijong choclate hing leisah ding a ka dei pasal hipa bangbang te ahi."Bangchi a sa ei mah hing theisah kia in aw??""Aw hing theisah mama na vang" kipah in" chi in ahing paisan ta hi.Ahing nuasia san nua in tuamipa ka mawh ngaituotuo kha hi.A zum se pi khat adiei ahilou leh a lamdang pi khat hou ahi jo de aw ka chi lungsim hi. Ka ngaituo a a zumsia hijo ding dan in ka koi hi.Mi pawl nuam leh thumang,mihoimama hileh aki lawm hi.A Candy leisah nu khu Numei Hamphaa ka sa hi.A zingni mama a tuomipa mukia ding vang kaki neemsih a nanleh kalkhat /ni pumlum paita kimukha nai kingkeng lou a ang ki lulah kha non ding deng sih hi."Bangbang a chi ta di uai chi chi theilou dan ka ta ve maw" chia ka ngaituo khah non kingkeng nonlou lou nuo in tuo dawr kot ahi ahing lut kia hiTutung in Puan mantam tuoh mama leh van dup rong suit toh ang ki von a ,a et lawm mama hi.A puon nuoi a a tahsa jong kisuh mama ding in aka tuot hi.Ahing mu in a maisuo hing all in a tai mel mama hi.Nanleh tuo candy box a piah in bangtan a sukha a bang a chi ei chia ka dawh phet in ahing mai dai paimaw a bang khat gen kha katai ka ki chia genkha kai sa vawt sih hi."Theijou vawt sing e""Bang eh?!! Theisiam sih nang e?"Amanu pekhathei mawngmawng sing ei. Kanun a na ne beita ve""Ohhh!!!Kathei ta ve ! Kathei ta ."ka chi poupou a hinanleh bangma ka thei tuan sih hi.Tuni bang I chi bawl diei leh ??"Bang e khat bawl lei ka chi na e….aaaa akinethei lou khat Perfume chivel ahilouleh huchi dan deukhat bang hileh" bangchi nasai???"Perfume pi buaihuai lou di mahleh? Numei te a ding diahdiah bang, theisiam mama ngai ahi.Personal mama mawh in maw??""Achi leh bang lei leng hoiva na chi ei leh??""Lungnou dial/silk scarf bang hileh bang xchi nasa ei?"En vangvang in lem ang sata hi.A nui chiang a amit de kilkel te det dan te hoi kasa a aki lawmpi mama hi."Ahoia hoi tamlou tam showcase ah kanei hi."ka chia"Lunhsiat tah in khat nang ensah thei diei?"A dial kawh ka laa a bang chi asa ei chi in a et ding in ka liang ah ka baat hi"Ahoi nai"? ka chiaSales Desk ah ahing juikia a ka tuunsah hi.A man a pia a agen nun hoi a sah leh a sah lou jong theisah kia ding in ahing chiam ngal hi.Tutung pen a a zing ni ma nitah lam in ahing lut kia hi.Sawt vang ka ngah non samsih hi. Ahin lut ka mu tah in taimel tah in ka na lamdawn a,"Bang chi a sa ei leh?""Na gingta khol de aw???ka mang sah mawh hi."Na gennu na piah mawngmawng lou chidaan a ve le maw??"Ih pekha thei mawng mawng lou""Achileh dial dang na dei be diei leh??"Ih. Adang khat en jo mai vang bang chi na sa e i?bang a hoi diei?""Tom nou khat hing ki ngaituo vang" chi in ka kim ka pama a van ki koite ka en koi velvel hi."Kathei ta ve… Lavui gelna laibu(labu) hileh bang chi nasa ei?Numei tampin lavui ngaisang mama uh ahi aw aw. A romantic theimama a hileh jong Pasal ten ngaituo kha ngailou uh ahi."Hin. Himi en ou ahoi a hoi ahi sitset heartshape, asung a lavui nal tahtah jong um nalai. Dei ngeingei va. A hoi mama hi"."Hoi ngut e maw, hilejong kei huchia romantic kahiloupi"."Bang khawh la nang romantic sese di china lah hilou a, a lamdang pi jong hithei navale. Ahing deigaw chin sign lechin hilou? Huchile koi hing hah e chi athei masang a buai pilpel a koi thei avele."A mel puohdan te leh anui maite hing kiheng in "hing tunsah in kala ding hi", katuomsah a lungnai khau kajang hi. Amasate bang in bang achi ei chi ahing theisah kia ding dan ahing gen kia hi.Ama ading in sil jousia paihoi nava chi kangaituo a kakinem hi. Hoi kasa a ama tawh kimutuo ding ka lamen tou jel hi. Ahivang in kaki gingta thei tahtah thei sih hi.Ni bang jat ahei khat nua in suun ann neh hunkuon in tua amelhoi kachipa kot ah hing vahlut kia hi. Nui mel puo in ahing khutjap hi. A numei gengen nu tawh kihouthei/kimaikha uh hitava kachi hi. Bang achi ei chi kakanchien ut paingal a, "tua crystal case napiah in nalawinu"n bang chi asa ei,"Amit a tual lam ensuh in aneh akei/pet a ahing dawng masang in aneh aliah hi. Kalungsim ah bang ekhat ahing chi a……….."A guh a hing deigaw chin ka sign a, nachi dan bang chet in a um hi. Ka seppi dang te apat hiva achi a kipahthu agengen a amapa"n amanu koi ahiai chi akankhia hi.""Dah huai na e maw…." Kachi a tampa dau neilou dante ka ngaitua hi."Kei hileng, hoi a hing kipan e chi kagen ding hi. Kei mawna ahi. Kabawl khial hi hing ngaidam in. kei buaina ding asuoh giap hi.""Khohsih, kisuanla na ding bangma a umsih, ei deidan a sil paitheilou ahidan atheisiam huntawh thouta hi, kapiching huntawh ta nang na panpi gige jiah in kakipah hi.""Deibang in hing kithuapi jousih leng jong na poimaw hunhun in hing pai in, kahi thei dandan in kahing na panpi ding hi. Kot lianpi in aki hong jing hi, tuachin ahoijaw entou vai."Tua mipa ahing nui a aHa ngou sitset te leh abiang kuah tittet te ahing sulang a a etlawm mama hi. "Akia chiah hoitah nou in hing kanchian masa tang. Katung a nahoina kakipah mama hi. I duhthusam bang in paithei sih nanleh khatveitei kahing pahtat naleh kahing kipahpi nate kahing sang kia teitei ding hi.""Aw ……! Apoimawpen hilaijang sih""Kei ahing kipah sah ding hi"."Ahilelah khoh tuan lou – hithei thou.""Hoi e leh nang lemsahpi a. khatvei ann nehkhawm na nei lei avele? Na buai seng lou a koima tawh Vohnou man nakitan nai lou le," ahing chi a.Gending thei lou man in kamawh nui a, a gen nukhia pen bang…………..mijumthei tah chu ahi."Koima tawh Vohnou man kitang ngaising ei, imujoulou" kachi leh ahing ki relax a nuimai pum in "ahileh keitawh nitah ann nekhawm leila.""Hampha nang e leh, namin jong kithei nailou pi a.""Amave, nang a jong kathei nailou amavele" kimelthei tua na hingal maileh ave maw? Shang kahi""Chingnu kahi" Kimeltheina chibai chi"n akhut ahing hah a,"I am very glad to meet you". "It"s a great pleasure"" I mai kiginni tah naman diai Ching?""Ing, man ma vang" kachia, Niangbawi tawh kimu ding kachi pen upi kamanghil dawh ta valong hi."Nai Sagih leh a kim chiang in hing pick up vang aw""Fine. Ka address leh ka number hing gialkhe vang nang a ding in"H.No. 143H, 1st Floor, Zouzam Cottage, S Block, Sahei Veng,Lengtanghoi District Zozang – 46, Mob. (0-301) 98564 4539.Ka address ka gial kal in Restaurant a utna leh hoiva achina agen a, anop tuah mama mai a, neh leh tah bawlte jong asiamtuah ua nopna va kachi mai hi.Ka address ka pia a apoimaw loutan kakhut atuden a, hinanleh khoh kasasih a, ahing suhkhah mai jong nuomtuom kasa mawh hi."Kipah ing, Kiginni chiah kimu vai aw""Mangpha, Bye""A mel hoipa" chin kei leh kei kaki hil sawnsawn hi.Shangrestaurant gen na pen thupi tuah ahiman in kakilawmpi pen a kathei ka silk dress vom pen kasil hi. Tua puonnem nou tawh kilawm sawnsawn ding in kasam kasang khi deu hiau hi. Ka Kengdap bul laitah in door bell ahing ging a, nai 7:25 chet ana hi hi. Ka ULian achiam huntah in ahing tung hi. Themkhat beh hing zekai va kachi sim hia.Kot hon in "Y-Lah !" achia "You look gorgeous" ahing chi hi.Ama jong akilawm mama hi. Vandum rong a suit asilh a amithadan te a etlawm sah diah hi."Mit kamukhah tengteng lah a hoipen nalai e chi kanggen kha tai?""Kipah ing" " Hing lut in, kavan hingla jual vang""Hoi e, hing tawi sah vang" chin ahing lahpia a.A restaurant genkhu khopi gal langkhat lang a um ahia, lampi ah tuankha jel nanleng ann neh na ding hun kamu kha ngaisih hi. The Chateau akichi a, French cuisine a specialize ahi uhi.Ann te akiningching a, atui thei mama hi. Houlimna ding hun tampi jong kamu uhi. Nop kasa mama mai mawh hi. ULian ahileh Ukil(Advocate) ahi chi jong kathei khe thatha hi.Coffee anihvei nading kadawn laitah un, ka waiter pa uh tomnou kal sung avamang jual a shopping bag lian lou khat ahing tawi hi. ULian in alu asu a waiter in kamai a table ah ahing koi mawh hi."Himi bang e" chin ka dong a,"A sung en ve" achi a,Tua bag khu ahong a hoitah nou a kitun lihleh box thum kasaukhia hi. Kamuhkhah ngai bang kasa a, kamukha ngai tham hi. Keima tun ngen ahi. ULian in, "Numei khat kaki muhpi ut nu ading"achichi te ahi."ULian bang thu um atai?"Nuimai ahing puo a, amit te suongmanpha tang bang in ade kelkel hi. "Namukha ngai de aw ka office pen Khupching Plaza opposite chet ahi. Court a ka umlou chiang in Mall ah kahing vahlut jel a kakingaituo tuo hi.""Nikhat, na dawr mai uah kahing vahlut kha a na nasep kamu hi. Tuachin na dawr mai chet ua touna ah suun ann kane jing hi. Ajiah pen nang kang muthei nading in. mituon napanpih te kamu chiang in kathang asia hi. Hing pai a kahing itna thu hing mawh gen thei lah ahitheisam sih hi. Tuajiah in sil jousia kahing halkhawm kankhawm a kasuhtuo lele ahi. Ka numei gengen kaki muhpi ut kaki meltheipi ut gige pen koidang hilou in nang nahi. Tamte nang ading na special gift te ahi – nang maimai ading ahi.""Oh! ULian kipah huai na e" kachia ka mitte ahing nou mawh a, "na ngaibang a na ngai huai mama hi. Ka dawr a nahing lutkha kakipah mama a, kei hamphat na ahi" kachia.ULian in kakhut te la in "Natahpi ama" chin ahing dong a "Ahi, kakipah hi, nahing kile kia ding kahing na ngah gige hi."Taimel tah in kakhut ala a atawp hi.Inn katung kia in tua kanasep na a sem kha kakisa mama hi. Tualeh kimukia ngeingei ding chi kana gintat tinten a kana kinep jiah jong hikhamaw lou ding in kakoi hi. Kei a ding in a dream come true ahimai hi.Aman abaan hat ah ahing huai a ahing tawp hi.Keijong Ittna liantah toh katawp thuh veve hi. Tuojou in ka ang nem ahing tham ka puah te uh suo in…………….Mihing lungkim na sangpentan leh ka tha un a jaw tan ka ki nou ua, kaki hawmthaw thou nalailai uhi.Bang in tamtan ahing tut ahiai chi katheipha sih hi. Maban ah tam ka Itt etlawm leh lamdang tah tawh bang chi kikhual a innsung nuam bang chi siamding katai chite tu apat a ka buaina ahing hita hi.


© Apashang. New Delhi.2007